वीरगंज । पर्साको छिपहरमाई गाउँपालिका वडा नम्बर ३ जयमंगलापुरस्थित पुलमुनि शुक्रबार बिहान एक युवक मृत अवस्थामा फेला परेका छन्।
वडा नम्बर ३ कार्यालयदेखि करिब १०० मिटर पश्चिमतर्फ रहेको झलमहिया–भिस्वा जोड्ने कलभटको पुलमुनी खसेको अवस्थामा भारतीय नम्बर प्लेटको हुण्डा साइन मोटरसाइकलसहित झलमहिया गाउँकै २७ वर्षीय रमेश साह कानु मृत फेला परेका हुन्।
पुलमुनिको पानीमा वीर आर २२ ए एल १२७३ नम्बरको मोटरसाइकलसहित मृत भेटिएका साहको मृत्युको कारण अहिलेसम्म खुलेको छैन।
घटनास्थलमा इलाका प्रहरी कार्यालय पोखरियाका प्रहरी निरीक्षक स्वरुप शर्माको नेतृत्वमा प्रहरी टोली पुगेर घटना बारे अनुसन्धान गरिरहेको प्रहरीले जनाएको छ।
