वीरगंज । जिल्ला प्रहरी कार्यालय पर्साले भिमफेदी कारागारबाट फरार एक कैदीलाई वीरगंजबाट पक्राउ गरेको छ ।
- Advertisement -
प्रहरीका अनुसार, विशेष सूचनाको आधारमा खटिएको प्रहरी टोलीले वीरगंज महानगरपालिका–१६ बसपार्कमा बसोबास गर्दै आएका २५ वर्षीय अमजत मियालाई सोमबार बिहान ११ बजे नियन्त्रणमा लिएको हो ।
मिया लागुऔषध सम्बन्धी कसुरमा संलग्न रहँदै पर्सा जिल्ला अदालतको आदेशमा पुर्पक्षका लागि भिमफेदी कारागार, मकवानपुर पठाइएको थियो । तर, मिति २०८२ भदौ २५ गते जेन-जि आन्दोलनका क्रममा कारागारबाट फरार भएका थिए ।
पक्राउ परेका मियालाई जिल्ला प्रहरी कार्यालय पर्सामा ल्याई आवश्यक प्रक्रिया पूरा गरी सम्बन्धित कारागारमा पठाउने तयारी भइरहेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक हरि बहादुर बस्नेतले जानकारी दिए ।
