वीरगंज । रिकभरीङ नेपाल मधेस प्रदेशको साधारण सभाबाट नयाँ कार्यसमिति चयन गरिएको छ । संस्थाको आगामी कार्यदिशा निर्धारण गर्ने उक्त सभाले आयुष भुजेललाई अध्यक्ष पदमा निर्वाचित गरेको हो ।
नव-निर्वाचित कार्यसमितिमा बिकाश लामा उपाध्यक्ष, राजकुमार तामाङ सचिव, भूषण क्षेत्री कोषाध्यक्ष, साथै उदय यादव, अजय कुर्मी लगायत अन्य सदस्यहरू चयन भएका छन् । सभामा सहभागी प्रतिनिधिहरूले नयाँ नेतृत्वलाई बधाई दिँदै सफल कार्यकालको शुभकामना व्यक्त गरेका थिए ।
सहभागीहरूको भनाइअनुसार नयाँ नेतृत्वले संगठनलाई थप सक्रिय, समावेशी र प्रभावकारी बनाउने अपेक्षा गरिएको छ । विशेष गरी समुदायमा पुनर्स्थापना, परामर्श तथा पुनरावृत्त जीवनशैलीको प्रवर्द्धनमा कार्यरत संस्थाले आगामी दिनमा अझ विस्तारित रूपमा काम गर्ने प्रतिबद्धता जनाएको छ ।
रिकभरीङ नेपालले विगत केही वर्षदेखि लत तथा दुर्व्यसनबाट प्रभावित समुदायलाई लक्षित गर्दै विभिन्न कार्यक्रम सञ्चालन गर्दै आएको छ । संस्थाले अब मानव अधिकार तथा स्वास्थ्य अधिकार सुनिश्चितताका लागि देशव्यापी रूपमा वकालत र पैरवीलाई प्राथमिकतामा राख्ने जनाएको छ ।
नयाँ कार्यसमितिले अभियानलाई थप नीतिगत तहमा प्रभावकारी बनाउने, सरोकारवाला निकायहरूसँग सहकार्य बढाउने र मूलधारको समाजमा पुनःसमावेशीकरण सुनिश्चित गर्ने दिशामा अघि बढ्ने प्रतिवद्धता जनाएको छ ।
