वीरगंज । पर्साका दुई पालिका शिक्षक र कर्मचारीहरुले नेपालीहरुकाे महान चाँड दशैंमा समेत तलब सुविधाबाट बन्चित हुने भएका छन् । बहुदरमाई नगरपालिका र धाेबिनी गाउँपालिकाका शिक्षक र कर्मचारीहरुले दशैं तलब पाउने सम्भावना सकेकाे छ ।
नयाँ आर्थिक मसान्त सुरु भएकाे अढाई महिना बितिसक्दा पनि खाता संचालन नभएका आधा दर्जन पालिका मध्ये चार पालिका खाता संचालमा आएपनि अझै दुई वटा पालिकाकाे खाता संचालन नभएकाेष तथा लेखा नियन्त्रक कार्यालय पर्साले जनाएकाे छ । बहुदमाई नगरपालिका र धाेबिनी गाउँपालिकाकाे खाता अझै संचालनमा आउन नसकेकाे हाे । जस कारण त्यहाँका शिक्षक र कर्मचारीले प्रत्येक महिना पाउनु पर्ने तलब सुबिधाबाट बन्चित भएका छन् ।
बहुदरमाई नगरपालिकाकाे नगर सभा सम्पन्न भएपनि नयाँ प्रमुख प्रशासकीय अधिकृत हाजिर नभएका कारण त्यहाँकाे खाता संचालनमा आउन सकेका छैनन् भने धाेबिनी गाउँपालिकाकाे गाउँ सभा नै नभएका कारण कारण खाता संचालनमा आउन नसकेकाे हाे ।
पकहाँ मैनपुर गाउँपालिकामा बुधबार बसेकाे गाउँ सभाकाे बैठकबाट विकास बजेटलाई एकमुष्ट रूपले यथावत राखि प्रशासनिक तथा सशर्त बजेट खर्चकाे लागि खाता संचालन गर्ने निर्णय गरे अनुसार खाता संचालनमा आएकाे गाउँपालिकाले जनाएकाे छ । त्यहाँ अब तलब भत्ता भुक्तानी गर्न र कार्यालय संचालन गर्न बाधा पर्ने छैन । अन्य पालिकाहरुकाे समेत खाता संचालनमा आएकाे र तलब पठाउने पक्रियामा रहेकाे सम्बन्धित पालिकाहरुले जनाएका छन् ।
धाेबिनी गाउँपालिकामा जनप्रतिनिधिहरुको आपसी सहमति र भागबन्डा नमिलेको कारण अहिले सम्म गाउँ सभा हुन सकेकाे छैन् । धोबिनी गाउँपालिकाका कर्मचारीहरुले ६ महिनादेखि तलब पाएका छैनन् ।
गाउँपालिका अध्यक्ष मदन चौहान र उपाध्यक्ष मन्जु देबी कुर्मीन लगायतका जनप्रतिनिधिहरु बिचकाे भागभन्डा नमिलेको कारण गाउँसभा हुन् नसकेको कारण गाउँपालिका सम्पुर्ण काम काज थप भएको छ । असार मसान्त भित्र गरिसक्नु पर्ने गाउँसभा अझै हुन नसकेको हाे ।
