वीरगंज । प्राइम बैंक लिमिटेड आदर्शनगर, वीरगंज शाखाको आयोजनामा मंगलबार रक्तदान कार्यक्रम सम्पन्न भएको छ। बैंकले १९ औं बर्षमा प्रबेश गरेकाे अवसरमा भएकाे कार्यक्रममा १० महिला सहित ७६ जनाले रक्तदान गरेका छन्।
रक्त सञ्चार केन्द्र वीरगंजका अनुसार कार्यक्रममा सुनिता राई, रीता साह, कृष्ण प्रसाद कानु, लक्ष्मण चौधरी, विन्द्र साह, अर्जुन चौधरी, प्रिन्स कुमार सिंह, मनमोहन शर्मा, धिरज चौधरी, सरोज श्रेष्ठ, सुनिल श्रेष्ठ, नितेश कुमार, रविन्द्र चालिसेलगायतले रक्तदान गरेका हुन् ।
कार्यक्रममा रक्त सञ्चार केन्द्र वीरगञ्जका प्राविधिक जितेन्द्र कुश्वाहा नेतृत्वको टोलीले प्राविधिक सहयोग पुर्याएको थियो। बैंककाे वीरगंज शाखा प्रबन्धक मेघनाथ सोनारको अध्यक्षतामा सम्पन्न कार्यक्रममा समाजसेवी राजेन्द्र भट्टराई लगायतको उपस्थिति रहेको थियो।
