वीरगंज । नयाँ आर्थिक बर्ष सुरु भएकाे दुई महिना वितिसक्दा पनि पर्सामा ८ वटा पालिकाकाे खाता मात्र संचालनमा आएका छन् ।
मंगलबार सम्म वीरगंज महानगरपालिका, पाेखरिया नगरपालिका, पर्सागढी नगरपालिका, ठाेरी गाउँपालिका, पटेर्वा सुगाैली गाउँपालिका, जगरनाथपुर गाउँपालिका, छिपहरमाई गाउँपालिका र कालिकामाई गाउँपालिकाे मात्र खाता संचालनमा आएकाे कोष तथा लेखा नियन्त्रक कार्यालय पर्साका प्रमुख कोष नियन्त्रक मनोजकुमार जोशीले जानकारी दिए ।
उनका अनुसार खाता संचालन भएका यी पालिकाहरुले आर्थिक बर्ष २०८२/०८३ काे निकासा समेत लिइसकेका छन् । पर्सा अन्य ६ पालिकाहरुले अहिलेसम्म खाता संचालनकाे फाइल समेत पेश गरेका छैनन् ।
खाता संचालनमा आउन नसकेका पालिकाहरुमा बहुदरमाई नगरपालिका, बिन्दवासिनी गाउँपालिका, सखुवा प्रसाैनी गाउँपालिका, पकहाँ मैनपुर गाउँपालिका, धाेबिनी गाउँपालिका र जिराभवानी गाउँपालिका रहेका छन् ।
यी मध्ये धाेबिनी, पकहाँ मैनपुर र बिन्दवासिनीकाे गाउँ सभा नै नभएका कारण खाता संचालन हुन सकेकाे छैन भने बाकी पालिकाकाे अन्य कारणले खाता संचालनमा ढिलाई भएकाे हाे ।
यसैगरी बाराका १६ पालिका मध्ये १४ वटा पालिकाकाे खाता संचालनमा आएका छन् । मंगलबार सम्म बाराका १४ पालिका पालिकाकाे खाता संचालनमा आएकाे र ति सबै पालिकाहरुले निकासा समेत लिइसकेकाे कोष तथा लेखा नियन्त्रक कार्यालय बाराका सूचना अधिकारी कोष नियन्त्रक राहुल जयसवालले जानकारी दिए ।
उनका अनुसार मंगलबार सम्म निजगढ नगरपालिका र बारागढी गाउँपालिकाकाे खाता मात्र संचालनमा आउन सकेका छैनन् । जेन जि आन्दाेलनकाे क्रममा यी दुबै पालिकाकाे कार्यालयमा ताेडफाेड र आगजनी भएका कारण खाता संचालनमा ढिलाई भएकाे हाे ।
नेपालीहरुकाे महान चाँड दशैं सुरु भएपनि खाता संचालनमा नआएका पालिकाहरुमा कर्मचारी तलब समेत खुवाउन समस्या हुने छ ।
