वीरगंज । श्री नवदुर्गा पूजा समिती निलकण्ठवाको आयोजनामा तथा नेपाल रेडक्रस सोसाइटी, वीरगंज शाखाको सहकार्यमा बिहिबार रक्तदान कार्यक्रम सम्पन्न भएको छ । समितीका संयोजक दया सिन्धु कुश्वाहाको अध्यक्षतामा भएको कार्यक्रममा २ महिला सहित ४१ जनाले रक्तदान गरेको रक्तसञ्चार केन्द्र वीरगंजले जनाएकाे छ ।
रक्तदान गर्नेहरूमा कलावती देवी, रम्भा देवी, सिन्धु कुश्वाहा, आकाश चौरसिया, प्रहलाद चौरसिया, सन्जित कुमार सिंह, नितेश कुमार चौरसिया, अलक प्रसाद कुश्वाहा लगायतका रहेका छन् ।
कार्यक्रममा नेपाल रेडक्रस सोसाइटी, रेशमकोठीका सह–कोषाध्यक्ष अभिलाष कुमार गुप्ता, प्रहलाद चौरसिया लगायतको उपस्थिति रहेकाे थियो । कार्यक्रममा बोल्ने वक्ताहरूले रक्तदान जीवनदान भएको उल्लेख गर्दै यस्ता सामाजिक कार्यमा निरन्तर सक्रिय रहनुपर्नेमा जोड दिएका थिए ।
रक्तदान कार्यक्रममा प्राविधिक सहयोग रक्तसञ्चार केन्द्र वीरगंजका जितेन्द्र कुश्वाहा, लिलाधर साह, नमित चौरसिया र सन्तोष पटेलले गरेका थिए ।
