वीरगंज । गुडविल सोसाइटीले वीरगञ्जस्थित नारायणी अस्पतालमा २०० प्याकेट खाना वितरण गरेको छ। संस्थाका अध्यक्ष अरबाज आलमको नेतृत्वमा बिरामी र बिरामीका कुरुवाहरूलाई खाना वितरण गरिएको हो।
खाना वितरण कार्यक्रमको क्रममा अस्पताल व्यवस्थापन समितिले पनि सहयोग प्रदान गरेको गुडविल सोसाइटीले जनाएको छ। संस्थाले सामाजिक उत्तरदायित्व अन्तर्गत नियमित रुपमा यस्ता कार्यक्रमहरू गर्दै आएको बताएको छ।
