काठमाडौँ । जेन–जी पुस्ताद्वारा भदौ २३ र २४ गते भएका प्रदर्शनका क्रममा ज्यान गुमाउने मृतकहरूको सम्मानमा नेपाल सरकारले असोज १ गते बुधबार राष्ट्रिय शोक मनाउने र सार्वजनिक बिदा दिने निर्णय गरेको छ ।
गृह मन्त्रालयका अनुसार नेपालभरका सबै सरकारी कार्यालय, विदेशस्थित नेपाली दूतावास र नियोगहरूमा सो दिन सार्वजनिक बिदा हुनेछन् । साथै, राष्ट्रिय झण्डा आधा झुकाएर मृतकहरूलाई श्रद्धाञ्जली अर्पण गरिनेछ ।
मन्त्रिपरिषद्को २०८२।०५।३० गतेको निर्णयअनुसार सार्वजनिक बिदा दिने र राष्ट्रिय शोक मनाउने कार्य गर्न गृह मन्त्रालयका सहसचिव तथा प्रवक्ता आनन्द काफ्लेको जानकारी दिए ।
यस निर्णयलाई जेन–जी आन्दोलनका क्रममा ज्यान गुमाएकाहरूप्रतिको सरकारी सम्मानको रूपमा लिइएको छ ।
