काठमाडौं । हालैको जेनजी आन्दोलनपछि नेकपा माओवादीका अध्यक्ष पुष्पकमल दाहाल (प्रचण्ड) र नेकपा एकीकृत समाजवादीका अध्यक्ष माधव नेपाल पार्टीको काममा फर्किएका छन् । आन्दोलनका क्रममा देशभर भएका आगजनी र तोडफोडका कारण उनीहरूलाई सुरक्षाको दृष्टिले सुरक्षित स्थानमा राखिएको थियो ।
जेनजी आन्दोलनका कारण निवर्तमान प्रधानमन्त्री केपी शर्मा ओली र नेपाली कांग्रेस सभापति तथा पूर्वप्रधानमन्त्री शेरबहादुर देउवा अझै पनि सैनिक सुरक्षामा रहेका छन् । भदौ २३–२४ गतेको आन्दोलनमा सरकारी कार्यालय, पार्टी कार्यालय र नेताका निजी निवासहरूमा आगजनी र तोडफोड भएको थियो।
नेपाली सेनाले उच्च सुरक्षा खतरा देखेर प्रचण्ड, नेपाल, झलनाथ खनाल लगायत अन्य नेताहरूलाई सुरक्षित स्थानमा सारेको थियो । अहिले प्रचण्ड र माधव नेपाल आफ्नै निवास तथा पार्टी कार्यालयमा फर्किसकेका छन् । तर, ओली र देउवा अझै सैनिक सुरक्षामा रहनुपर्ने अवस्था रहेको छ ।
जेनजि आन्दाेलनपछि ‘प्रचण्ड’ आन्दोलनको क्रममा तोडफोड र आगजनी भएको पार्टी केन्द्रीय कार्यालय पेरिसडाँडामा हुँदै गरेकाे सरसफाईमा सहभागि भएका छन भने अध्यक्ष नेपाल पनि आन्दोलनका क्रममा क्षतिग्रस्त पार्टी केन्द्रिय कार्यालय र नेताकाे घरहरुकाे अवलोकनमा देखिएका हुन् ।
जेनजी आन्दोलनले नेपाली राजनीतिको शीर्ष तहका नेताहरूको सुरक्षामा चुनौती थपिएको देखिएको छ ।
