काठमाडौं । जेन–जी आन्दोलनमा शहीद भएकाहरूको सम्मानमा सरकारले राष्ट्रिय शोक मनाउने निर्णय गरेको छ । गृहमन्त्री ओमप्रकाश अर्यालले पदबहालीलगत्तै सोमबार यसबारे घोषणा गरेका हुन् ।
उनका अनुसार शहीदहरूको सम्मानमा सरकारी कार्यालयहरूमा राष्ट्रिय झण्डा आधा झुकाइनेछ । शोक दिवस कुन दिन मनाउने भन्ने विषय मन्त्रीपरिषद्ले छिनोफानो गर्नेछ ।
यसैगरी, आन्दोलनमा मृतकका परिवारलाई एक लाख–एक लाख रुपैयाँका दरले किरिया खर्च दिने निर्णय पनि गृहमन्त्रीको छ । शव व्यवस्थापनका लागि सरकारले नि:शुल्क सवारीसाधन उपलब्ध गराउने र विकट ठाउँमा हेलिकप्टरमार्फत शव पुर्याउने निर्णय गरिएको छ ।
गृहमन्त्री अर्यालको यो निर्णयलाई जेन–जी आन्दोलनको मागअनुरूप सरकारको पहिलो सकारात्मक कदमका रूपमा हेरिएको छ ।
