वीरगंज । ग्रिनसिटी सामुदायिक सेवा केन्द्र, आदर्शनगर–१०, वीरगञ्ज पर्साको आयोजनामा तथा स्टार होलिस्टिक हिलिङ, काठमाडौंको सहकार्यमा एकदिने निःशुल्क अकुपन्चर उपचार तथा मसाज थेरापी कार्यक्रम सम्पन्न भएको छ।
कार्यक्रमको उद्घाटन वडा प्रहरी कार्यालय बिर्ताका प्रमुख निरोज चौलागाईंले गरेका थिए भने अध्यक्षता केन्द्रका अध्यक्ष जय प्रकाश खेतानले गरेका थिए।
स्टार होलिस्टिक हिलिङ, काठमाडौंबाट आएका डा. आदित्य अग्रवाल केडिया, श्रीजा श्रेष्ठ, केम्स सिंह र मनिष गोयलको टोलीले उपचार सेवा प्रदान गरेका थिए। कार्यक्रममार्फत विभिन्न रोगका बिरामीलाई अकुपन्चर र मसाज थेरापी उपचार दिइएको थियो।
अध्यक्ष खेतानका अनुसार, कुल ११० जना सर्वसाधारण यस निःशुल्क स्वास्थ्य सेवाबाट लाभान्वित भएका छन्। कार्यक्रममा नेपाल इनोभेटिभ सोसाइटी वीरगञ्जका अध्यक्ष कमल चौगाई, समाजसेवी, सञ्चारकर्मी तथा स्थानीयवासीहरूको उल्लेखनीय उपस्थिति रहेको थियो।
