वीरगंज । वीरगंज निवासी समाजसेवी तथा व्यापारी दिनानाथ प्रसाद गुप्ता र युवा नेता घिरेन्द्र पटेल (परवाना) जनमत पार्टीमा प्रवेश गरेका छन्। मध्य–बानेश्वरस्थित पार्टी केन्द्रीय सम्पर्क कार्यालयमा आयोजित कार्यक्रममा जनमत पार्टीका राष्ट्रिय अध्यक्ष डा. सिके राउतले उनीहरूलाई पार्टी सदस्यता ग्रहण गराएका हुन्।
जनमत पार्टीको विचार र सिद्धान्त तथा अध्यक्ष डा. राउतको त्याग र दुरदर्शी नेतृत्वबाट प्रभावित भएर पार्टीमा प्रवेश गरेको बताउँदै नवप्रवेशी गुप्ता र पटेलले पाँच सयभन्दा बढी व्यक्तिलाई निकट भविष्यमा पार्टीमा भित्र्याउने लक्ष्य रहेको बताएका छन्।
कार्यक्रममा पार्टीका राष्ट्रिय प्रवक्ता डा. सरद सिंह यादव, केन्द्रीय सचिव बिगु चौधरी, कार्यकारी सदस्य माधव सिंह, पर्सा जिल्ला अध्यक्ष ओमप्रकाश सरार्फ, नेता भूपेन्द्र साह, पर्सा युवा अध्यक्ष उदय यादवलगायतको उपस्थित थियो।
साे अवसरमा जिल्ला अध्यक्ष सरार्फले हाल पर्सामा गाउँ–गाउँबाट युवा तथा महिलाहरूको जनमत पार्टीमा प्रवेश गर्ने लहर चलेको दाबी गर्दै आगामी दिनमा पर्सामा पार्टी सशक्त रूपमा स्थापित हुने विश्वास व्यक्त गरे ।
