वीरगंज । प्रगतिशील युवा क्लबले आफ्नो २५औं वर्ष (सिल्वर जुबिली) प्रवेशको अवसरमा वीरगंजमा आयोजना गरेको रक्तदान कार्यक्रममा ६५ पोका रगत संकलन गर्न सफल भएको छ ।
कार्यक्रमलाई सफल बनाउन वीरगंज महानगरपालिकाका प्रमुख राजेशमान सिंह, वडा नं.१५ का वडाध्यक्ष रमेश यादव, नेजपा केन्द्रीय उपाध्यक्ष सन्तोषानन्द, वीरगंज युवा समाजका संस्थापक अध्यक्ष कमल चौगाई, लुका ट्रेडर्सका निर्देशक वसिम अहमद, गौतम माविका शिक्षक रमेश शर्मा, सामाजिक अगुवा हरेन्द्र पटेल, प्याप्सन नगर अध्यक्ष राहुल श्रीवास्तव, एन–प्याप्सनका जियालाल गुप्ता, पूर्व प्याप्सन नगर अध्यक्ष आलोक चौरसिया, सामाजिक अगुवा बिरेन्द्र साह, जयशंकर यादव, नेपाल पोस्ट डेलीका सन्तोष साह लगायत विभिन्न सामाजिक व्यक्तित्व तथा स्थानीयवासीहरूको उल्लेखनीय योगदान रहेको थियो ।
क्लबका अध्यक्ष ईश्वरचन्द्र यादवले गत २५ वर्षदेखि सामाजिक सेवामा साथ र प्रेरणा दिने सबैप्रति आभार व्यक्त गर्दै युवापुस्ताले देखाएको सामाजिक उत्तरदायित्व र एकताको भावना क्लबका लागि प्रेरणादायी भएको बताए । उनले आगामी दिनमा सामाजिक, शैक्षिक, स्वास्थ्य तथा मानव सेवाका अभियानलाई अझ सशक्त रूपमा अघि बढाउने संकल्प व्यक्त गरे ।
