पाेखरिया । पर्साकाे छिपहरमाई गाउँपालिकामा जसपा नेपाल गाउँपालिका समितिद्वारा शनिबार भूमि अध्यादेशविरुद्ध एक विशेष अन्तरक्रिया कार्यक्रम सम्पन्न भएको छ । कार्यक्रमलाई सम्बाेधन गर्दै जसपा नेपालका केन्द्रिय सदस्य एवम् पूर्व मन्त्री सिंगासन साह कलवारले भूमि अध्यादेश जनविरोधी भएको भन्दै तत्काल खारेज गर्नुपर्ने माग राखे ।
कार्यक्रममा भोलि वीरगंजमा आयोजना हुन गइरहेको बृहत् विरोध कार्यक्रममा गाउँपालिकाबाट उल्लेख्य सहभागिता सुनिश्चित गर्ने निर्णय गरिएको छ । यस अवसरमा गाउँपालिकाका सम्पूर्ण कार्यकर्ता, सदस्य तथा समर्थकहरूलाई ऐतिहासिक उपस्थिति जनाउन आह्वान गरिएको छ ।
अन्तरक्रियामा छिपहरमाई गाउँपालिका संयोजक इन्द्रासन साह कलवार, क्षेत्र नं–४(२) का जसपा नेपाल क्षेत्रीय अध्यक्ष रामपुकार यादव, बिरेन्द्र महतो केवट, हेमान्चल महतो कोइरीलगायतका अगुवा कार्यकर्ताहरूको सहभागिता रहेको थियो ।
