वीरगंज । पर्सा मदिरा व्यवसायी संघले गठन भएको पहिलो बैठकअन्तर्गत वीरगंजस्थित होटेल बृन्दावनमा शनिबार आफ्ना सदस्यबीच भेटघाट तथा परिचयात्मक कार्यक्रम सम्पन्न गरेको छ ।
मदिरा व्यवसायसँग जोडिएका समस्याहरू समाधान गर्ने उद्देश्यले ९ सदस्यीय कार्यसमिति गठन गरी गत २०८१ साल चैत १७ गते जिल्ला प्रशासन कार्यालय पर्सामा दर्ता भएको संघले हालसम्म सदस्य संख्या ४० पुर्याएको छ ।
संघको पहिलो प्रस्तावित समितिमा अध्यक्ष चिनिलाल पटेल, उपाध्यक्ष सन्दीप गुप्ता, महासचिव प्रदीप कुमार लोहार, सचिव रजनीश कुमार, कोषाध्यक्ष राकेश कुमार साह, सदस्य मनिष प्रसाद कलवार, अनिल कुमार चापागाईं, राम कुमार यादव र रञ्जित जायसवाल चयन भएका थिए ।
संघका अध्यक्ष चिनिलाल पटेलको अध्यक्षतामा र वरिष्ठ सल्लाहकार संजय अग्रवालको प्रमुख आतिथ्यतामा सम्पन्न कार्यक्रममा पहिलो सत्र औपचारिक र दोस्रो सत्र परिचयात्मक तथा समस्या सुनुवाइका लागि समर्पित गरिएको थियो । कार्यक्रमको सहजीकरण महासचिव प्रदीप कुमार लोहारले गरेका थिए ।
