वीरगंज । गुडविल सोसाइटीले वीरगञ्ज महानगरपालिका–३१ मा स्थानीयवासीलाई ५० थान मच्छरदानी (Mosquito Net) वितरण गरेको छ।
हाल सो क्षेत्रमा मच्छरको प्रकोप अत्यधिक बढेको र यसका कारण स्वास्थ्य समस्या चर्किरहेको गुनासो आएपछि संस्थाले राहतस्वरूप मच्छरदानी वितरण गरेको हो। वितरण कार्यक्रममा वीरगञ्ज–३१ का वडाध्यक्ष जितेन्द्र यादव विशेष उपस्थितिमा सहभागी भएका थिए।
सो अवसरमा गुडविल सोसाइटीका अध्यक्ष अरबाज आलम, उपाध्यक्ष सज्जाद, सदस्यहरू किशन पटेल, शाहनवाज राकि, सुहैब आलम, सलाउदिन आलम, सम्सुदिन हवारी, आमिर आलम, सौकत मिया, साहिल खान, सम्सुल हक उपस्थित थिए । साथै स्थानीयवासी उमर अन्सारी, अली हसनसहित समुदायका प्रतिनिधिहरूले सक्रिय सहभागिता जनाएका थिए।
कार्यक्रमका वक्ताहरूले मच्छरजन्य रोग नियन्त्रणका लागि सचेतना र सावधानी अपनाउनुपर्नेमा जोड दिएका थिए। साथै, गुडविल सोसाइटीले स्थानीय समस्याका आधारमा आगामी दिनहरूमा पनि यस्ता सामाजिक सहयोग कार्यक्रमलाई निरन्तरता दिने प्रतिबद्धता जनाएको छ।
