वीरगंज । सामाजिक संस्था जिल्ला समन्वय समिति पर्साकाे आयाेजनामा शुक्रबार वीरगंजमा रक्तदान कार्यक्रम सम्पन्न गरेकाे छ । “रक्तदान जीवन दान, सेवा नै धर्म” भन्ने नारासहित सम्पन्न कार्यक्रममा चार महिला सहित १७ जनाले रगतदान गरेका हुन्।
आयाेजक संस्थाका अध्यक्ष अध्यक्ष इब्राहिम देवानकाे अध्यक्षतामा भएकाे कार्यक्रमकाे उद्घाटन नेपाल रेडक्रस सोसाइटी मधेस प्रदेशका सभापति फुलमहम्मद मियाँले गरेका थिए । साे अवसरमा बाेल्दै मियाँले रगतको अभाव तीव्र रूपमा बढिरहेको बेला सामाजिक संस्थाले गरेको यस्तो पहल महत्त्वपूर्ण भएको टिप्पणी गरे ।
कार्यक्रममा संस्थाका उपाध्यक्ष चन्देश चौहान, रामअयोध्य यादव, बिशाल गुप्ता, केशर जाहन, उम्रावति देवी, अन्सार मियाँ, पूजा कुमारी, गिरिया देवी कानु, विक्रम साह, अन्त यादव, राेविन कुमार जयसवाल, बिक्रमाजित प्रसाद साह लगायत १७ जनाले रक्तदान गरेका हुन् ।
कार्यक्रममा नेपाल रेडक्रस सोसाइटी पर्साका सभापति बृजकिशोर पटेल, समाजिक संस्था जिल्ला समन्वय समितिका पूर्व महासचिव रामप्रवेश साह, दिब्य विकास स्रोत केन्द्रका कार्यकारी निर्देशक रामाकान्त पटेल, काशी प्रसाद साह, जयकान्त उपाध्याय, रक्त संचार केन्द्रका प्रविधिक धिरेन्द्र झा, सन्तोष पटेल लगायतको उपस्थिति रहेको थियो ।
रक्त संचार केन्द्र वीरगंजकाे प्राविधिक सहयाेगमा भएकाे कार्यक्रममा स्वागत मन्तव्य संस्थाका उपाध्यक्ष चन्देश चौहानले राखेका थिए ।
