वीरगंज । भारत र चीनबीच भएको लिपुलेक सम्झौताविरुद्ध संयुक्त विद्यार्थी संगठनहरूले बिहीबार वीरगञ्जस्थित भारतीय दूतावास अगाडि विरोध प्रदर्शन गरेका छन् । नेकपा एमाले, नेपाली कांग्रेस र माओवादी केन्द्र निकट विद्यार्थी संगठनहरूले संयुक्त रूपमा प्रदर्शन गरेका हुन् ।
प्रदर्शनमा सहभागी विद्यार्थीहरूले “लिपुलेक हाम्रो गौरव हो”, “भारतीय र चिनियाँ हस्तक्षेप बन्द गर”, “लिपुलेक नेपाली भूमि हो”, “सीमा मिच्न पाइदैन”, “कालापानी हाम्रो फर्काऊ” लगायतका नारा लगाएका थिए ।
विरोध कार्यक्रममा एमाले निकट अनेरास्ववियुका केन्द्रीय सदस्य आसिफ अहमद, कांग्रेस निकटका नेविसंघ पर्साका सभापति रमेश यादव र माओवादी केन्द्र निकट अनेरास्ववियु (क्रान्तिकारी) का केन्द्रीय सचिव मिरोज अहमदसहितका विद्यार्थी नेताहरूको सहभागिता रहेको थियो ।
