वीरगंज । सर्लाहीकाे बलरा नगरपालिकाका नगर प्रमुख रामाशंकर प्रसाद कुशवाहाले माइतीघर, काठमाडौँमा जारी किसान आन्दोलनप्रति ऐक्यबद्धता प्रकट गरेका छन् ।
काठमाडाैंमा आयोजित आन्दोलनमा सहभागी भई उनले देशभरिका किसानहरूको हक, अधिकार र न्यायोचित मागको समर्थनमा बलरा नगरपालिकाको तर्फबाट ऐक्यबद्धता जनाएका हुन्।
नगरप्रमुख कुशवाहाले किसानलाई देशको मेरुदण्डको संज्ञा दिँदै उनीहरूको पीडा सुन्ने, बुझ्ने र समाधान गर्न राज्य जिम्मेवार बन्नुपर्ने बताए । उनले भने, “किसान आन्दोलनलाई पूर्ण समर्थन प्रकट गर्दछु । हाम्रो ऐक्यबद्धताले यो आन्दोलनलाई अझ सबल र प्रभावकारी बनाउन मद्दत गर्नेछ।”
आन्दोलनमा सक्रिय किसान र समर्थकहरूलाई अभिवादन गर्दै नगर प्रमुख कुशवाहाले न्यायोचित माग सम्बोधन गर्न सरकार गम्भीर बन्नुपर्नेमा जोड दिएका छन् ।
