वीरगंज । नेपाली कांग्रेस पर्सा निर्वाचन क्षेत्र नं. ४ को क्षेत्रीय कार्यसम्पादन समितिको बैठक सोमबार ठोरीमा सम्पन्न भएको छ। क्षेत्रीय सभापति श्रीकान्त प्रसाद यादवको अध्यक्षतामा बसेको बैठकले संगठन सुदृढीकरण सम्बन्धी विभिन्न निर्णय गरेको छ।
बैठकमा क्षेत्रभरी छुटेका सक्रिय सदस्यहरूको नवीकरण प्रक्रिया सुरु गर्ने, युवा कार्यकर्ता र बूथ सभापतिको भेला आयोजना गर्ने तथा आगामी दिनमा अगुवा कार्यकर्तालाई लक्षित प्रशिक्षण कार्यक्रम गर्नेबारे छलफल भएको क्षेत्रीय कोषाध्यक्ष विनय द्विवेदीले जानकारी दिए ।
बैठकमा कांग्रेस पर्साका प्रवक्ता रमेश पाण्डे, जिल्ला कोषाध्यक्ष प्रेम थापा, क्षेत्रीय सचिव बलिस्टर अहमद लगायतका पदाधिकारी तथा कार्यकर्ताको सहभागिता रहेको थियो ।
