नयाँ दिल्ली । बलिउड अभिनेत्री शिल्पा शेट्टीले सामाजिक सञ्जालमा आफ्ना पति राज कुन्द्रासँगको एक रोम्यान्टिक भिडियो सार्वजनिक गरेकी छन्।
शिल्पाले इन्स्टाग्राममार्फत पोस्ट गरेको उक्त भिडियोमा राजको आउँदै गरेको पञ्जाबी फिल्म मेहरको गीत जोगिया समावेश गरिएको छ। क्लिपमा दुवैलाई सँगै हिँड्दै गरेको देखिन्छ भने केही समयपछि राजले शिल्पालाई बोकेर उचाल्ने दृश्य पनि समावेश छ।
भिडियो साझा गर्दै शिल्पाले क्याप्सन लेखेकी छिन्, “सँगै बस्न त सजिलो हो… तर बोकेर देखाउनु भनेको वास्तविक परीक्षा हो #Chakdo। के तपाईंको ‘जोगिया’ ले पनि सक्छ? #JogiyaChallenge #Mehar #love #Gratitude।”
उनको पोस्टमा प्रतिक्रिया दिँदै राजले टिप्पणी गरेका छन्, “लभ यू मेरी जान।”
