वीरगंज । देशभक्त राज भक्त पर्साले बुधबार एक कार्यक्रम आयोजना गरी पूर्व रानी लक्ष्मी देवी साहको जन्मदिन मनाएको छ।
वीरगंजको बालमन्दिर प्राङ्गणमा आयोजित कार्यक्रममा सहभागीहरुले “हाम्रो राजा हाम्रो देश प्राण भन्दा प्यारो छ”, “हामी नेपाली एक हौं”, “राजा कसको जनताको, जनता कसको राजाको”, “नेपाली जनता के भन्छ राजतन्त्र दे भन्छ”, “जय देश जय नरेश” लगायतका नाराबाजी गरेका थिए।
देशभक्त राज भक्तका अध्यक्ष दिपेन्द्र प्रसाद रौनियारको अध्यक्षतामा सम्पन्न कार्यक्रममा राजावादी नेताहरू पशुपति विक्रम शाह, उषा साह, हिराबहादुर चन्द, जनक साह, ध्रुव सिंह ठकुरी, महेन्द्र प्रसाद साह, अब्दुल सतार अन्सारी, उमाशंकर रौनियार, रामनरेश पाण्डे, रामविनोद पाण्डे लगायतको सहभागिता रहेको थियो।
