काठमाडौँ । जनता समाजवादी पार्टी (जसपा) नेपालका तीन सांसदलाई प्रहरीले नियन्त्रणमा लिएको छ ।
मंगलबार बबरमहलबाट जसपाले गौर हत्याकाण्डको विषयलाई लिएर मसाल जुलुस प्रर्दशन गरेको थियो । सोही क्रममा जसपा नेपालका सांसद एवं प्रवक्ता मनिष कुमार सुमनसहित दुई जना प्रदेश सांसदलाई प्रहरीले नियन्त्रणमा लिएको हो ।
शान्तिपूर्ण विरोध कार्यक्रममार्फत जसपाले सर्वोच्च अदालतको हालसालैको आदेशको विरोध गर्दै न्यायको माग राखेको थियो । तर कार्यक्रमको क्रममा प्रहरीले हस्तक्षेप गरी जसपा नेपालका कार्यकारिणी समिति सदस्य तथा प्रवक्ता सुमन, सांसद किरण साह, सांसद बबी सिंह, नेता रेणुराज सिंह, केन्द्रीय सदस्य शशिकपुर मिया, समाजवादी विद्यार्थी युनियनका अध्यक्ष मनिष यादव, समाजवादी युवाका महासचिव दिलिप पटेल, युवा नेता मनिष यादव लगायतलाई माइतीघर मण्डला–बबरमहल क्षेत्रबाट नियन्त्रणमा लिएको हो ।
पक्राउ परेकाहरूलाई नियन्त्रणमा लिएर प्रहरी परिसरमा राखिएको जनाइएको छ । जसपाले भने प्रहरी दमनको कडा शब्दमा विरोध गर्दै आफ्ना नेता–कार्यकर्ताको तत्काल रिहाइको माग गरेको छ ।
