वीरगंज । भूमि समस्या समाधान आयोग, पर्साले सखुवाप्रसौनी गाउँपालिका–१ मा भूमिहीन दलित, भूमिहीन सुकुम्बासी तथा अव्यवस्थित बसोबासीसँग अन्तरक्रिया र स्थलगत प्रमाणिकरण कार्यक्रम सम्पन्न गरेको छ।
कार्यक्रमका मुख्य अतिथि आयोग पर्साका अध्यक्ष तबरेज अहमद रहेका थिए भने बैठक वडा अध्यक्ष बासुदेव महतो थारुको अध्यक्षतामा सञ्चालन भएको थियो।
अन्तरक्रियामा सहभागी सेवाग्राहीहरूले दैनन्दिन बसोबासदेखि कागजी प्रमाण संकलनसम्मका समस्या राखेका थिए । आयोग र स्थानीय सरकारका प्रतिनिधिहरूले सम्बन्धित कानुनी प्रक्रिया, कागजात मिलान तथा राजस्व व्यवस्थापनबारे विस्तृत जानकारी दिएका थिए।
कार्यक्रममा तीन पुस्ताको प्रमाण: परिवारको वंशज सम्बन्ध पुष्टि गर्ने कागजात (नागरिकता, जन्मदर्ता, विवाह दर्ता, घरपरिवार विवरण आदि) कसरी मान्य/प्रमाणित गर्ने भन्ने विषयमा चरणबद्ध मार्गदर्शन।, वैदेशिक रोजगारीमा रहेका सेवाग्राही: विदेशमा रहेका लाभग्राहीका लागि प्रत्यायोजन, म्यादभित्र दुरदराजबाट कागजात पेस गर्ने सुविधा, उपस्थित नभएका व्यक्तिको दर्ता सुरक्षित राख्ने व्यवस्था बारे छलफल भएकाे थियाे ।
यसका सथै मानापाथी/अंशबन्डा: पारिवारिक हिस्साबन्डा, मानापाथी तथा जग्गासम्बन्धी भेरिफिकेसन प्रक्रियाबारे सार्वजनिक जानकारी र राजस्व बराबरी: अव्यवस्थित बसोबासीले सरकारले तोकेको राजस्व/शुल्क कुन अवस्थामा र कसरी बुझाउने भन्ने विषयमा सूची र चरणगत विवरण बारे पनि छलफल भएकाे थियाे ।
कार्यक्रमपछि आयोगको प्राविधिक टोलीले स्थलगत तथ्य संकलन, कागजातको प्रतिलिपि संकलन र प्राथमिक सूची अद्यावधिक गर्ने कार्य अघि बढाएको छ। साथै उपस्थित सेवाग्राहीलाई एकदुई हप्ताभित्र वडा कार्यालय वा आयोगको सम्पर्क बिन्दुमा सहायक कागजात बुझाउन अनुरोध गरिएको छ।
स्थानीय सरोकारवाला, जनप्रतिनिधि र नागरिक समाजका प्रतिनिधिको उपस्थितिमा भएको कार्यक्रममा दीर्घकालीन बसोबासका प्रमाण, सामाजिक सूचक र आधारभूत सेवामा पहुँच जस्ता सूचनालाई अभिलेखीकरण गर्ने तयारी पनि गरिएको आयोजकले जनाएको छ।
कार्यक्रम अन्त्यमा सहभागिता जनाएका समुदायलाई धन्यवाद ज्ञापन गर्दै आयोगले आवश्यक कानुनी तथा प्राविधिक सहयोग निरन्तर रहने प्रतिवद्धता व्यक्त गरेको छ।
