वीरगंज । लोकप्रिय भोजपुरी गायक सुनिल पंडितको नयाँ गीत ‘राज करतानी’ सार्वजनिक गरिएको छ । गीतलाई सोमबार बिहान गायककै आधिकारिक युट्युब च्यानलSsunil Pandit Official मार्फत बजारमा ल्याइएको हो ।
गीतकाे विमाेचन एक कार्यक्रमकाे बिच जिल्ला प्रहरी कार्यालय पर्साका प्रमुख प्रहरी उपरिक्षक गाैतम मिश्रले गरेका हुन् ।
वीरगञ्जस्थित World of Wonder मा छायांकन गरिएको गीतको भिडियोमा चर्चित टिकटकर निभा यादव, हास्यकलाकार दिपेश शर्मा र गायक पंडितका छोरा धिरज पंडितको दमदार अभिनय देख्न सकिन्छ ।
सुनिल पंडित र चर्चित गायिका शिल्पी राजको आवाजमा सजिएको यस गीतमा शब्द शिव साजनले लेखेका हुन् भने संगीत मन्टु मनिषले दिएका छन् । भिडियो निर्देशन नवीन नेपालीले गरेका हुन् भने मेकअप आर्टिस्टको भूमिकामा मधु चौधरी रहेका छन् ।
आकर्षक जोडीको प्रस्तुतिसहित तयार गरिएको भिडियोले दर्शक तथा श्रोतालाई नयाँ अनुभव दिने विश्वास गरिएको गायक पंडितले बताए । गीत विमोचन समारोहमा कलाकारहरूले आफ्ना अनुभव सुनाउँदै दर्शक तथा श्रोताहरूलाई गीतलाई माया गरिदिन आग्रह गरे ।
