वीरगञ्ज । प्रतिनिधि सभा सदस्य तथा पूर्व उद्योग, वाणिज्य तथा आपूर्ति मन्त्री माननीय रमेश रिजालले सोमबार वीरगञ्ज–२५ श्रीसिया स्थित मानवसेवा आश्रम वीरगञ्जको अवलोकन भ्रमण गर्नुका साथै बिहानको भोजन सेवा योगदान गर्नुभएको छ।
भ्रमणका क्रममा सांसद रिजालले आश्रममा रहेका असहाय, विपन्न तथा बेवारिसे व्यक्तिहरूलाई प्रेमपूर्वक भोजन प्रदान गर्दै आगामी दिनमा आफूबाट सम्भव हुने सहयोग गर्ने प्रतिबद्धता व्यक्त गर्नुभयो।
कार्यक्रममा मानवसेवा आश्रम वीरगञ्जका संस्थापक अभियन्ता देवेश गुप्ता, सामाजिक अभियन्ता तथा आश्रमका अभिभावक प्रकाश थारु, नेपाली कांग्रेस पर्साका कोषाध्यक्ष प्रेम थापा, जेसिआई वीरगंजका अध्यक्ष सरोज चौरसिया लगायतको उपस्थिति रहेको थियो।
यसअघि मन्त्री रहँदा रिजालले विभिन्न सहयोगी दाताको सहयोगमा आश्रमका लागि एउटा पिकअप गाडी उपलब्ध गराएको स्मरण गरिएको छ ।
