वीरगंज । नेशनल मेडिकल कलेज तथा शिक्षण अस्पताल, वीरगंजमा विश्व स्तनपान सप्ताह–२०८२ को अवसरमा विशेष कार्यक्रमका साथ समापन समारोह भव्यताका साथ सम्पन्न गरिएको छ।
समारोहको प्रमुख आकर्षणहरूमा बाल रोग विभागको नयाँ वार्डको उद्घाटन, शिशुसहित आमाहरूको सम्मान, र विद्यार्थीद्वारा प्रस्तुत स्तनपानसम्बन्धी शैक्षिक कार्यक्रमहरू रहेका थिए ।
कार्यक्रममा मातृत्वको सम्मानस्वरूप आमाहरूलाई स्मृतिचिन्ह तथा तस्बिर प्रदान गरिएको थियो । स्वास्थ्य शिक्षा सत्रहरू मार्फत स्तनपानको महत्वबारे जानकारी दिइएको थियो, जसले आमाहरू र स्वास्थ्यकर्मीहरूलाई उपयोगी ज्ञान प्रदान गर्यो।
विद्यार्थीहरूको प्रस्तुतिले स्तनपानप्रति जनचेतना अभिवृद्धिमा महत्वपूर्ण योगदान पुर्याएको आयोजकले जनाएका छन्।
समापन कार्यक्रममा कलेजका प्रबन्ध निर्देशक सहनवाज अन्सारी, शैक्षिक निर्देशक डा. रुबी श्रेष्ठ यासमिन, अस्पताल निर्देशक डा. ईसरत जहान अन्सारी, नर्सिङ डाइरेक्टर, भाइस प्रिन्सिपल, सी.आई.ओ., म्याट्रोन, विभिन्न विभाग प्रमुखहरू, साथै प्रशासन, नर्सिङ र मार्केटिङ टिमका सदस्यहरूको उल्लेखनीय उपस्थिति रहेको थियो।
कार्यक्रमले मातृत्व र स्तनपानप्रति सम्मान प्रकट गर्दै, स्तनपानलाई स्वस्थ शिशुका लागि आधारभूत अधिकारको रूपमा पुनः पुष्टि गरेको छ।
