वीरगंज । पूर्व मन्त्री एवं प्रतिनिधि सभा सदस्य (सांसद) रमेश रिजालको संसदीय योजना अन्तर्गत सहरी विकास परियोजना मार्फत पर्सा निर्वाचन क्षेत्र नं. ४ का विभिन्न ठाउँमा कालाेपत्रे सडक निर्माणको लागि लागत अनुमान (इष्टिमेट) तयार गर्न सर्वे कार्य सुरु गरिएको छ ।
छिपहरमाई गाउँपालिकाकाे जयमङ्ग्लापुर पोखरीदेखि छोट्की जयमङ्ग्लापुर हुँदै टिहुकीसम्म, धाेबिनी गाउँपालिकाकाे जानकीटोला चौकदेखि पिप्रा, भिखमपुर, गुलरिया हुँदै लङ्गडीसम्म र लिकामाई गाउँपालिकाकाे मुडलीदेखि भेडिहारी हुँदै बालुवा सम्म कालाेपत्रे सडकाे लागि सर्वेक्षण कार्य सुरु गरिएकाे नेपाली कांग्रेस पर्सा क्षेत्र नं. ४ का सचिव बलिष्टर अहमदले जानकारी दिए ।
सर्वेक्षण कार्यमा प्राविधिकहरुकाे टाेलीसहित नेपाली कांग्रेस पर्सा क्षेत्र नं. ४ का सभापति एवं जगरनाथपुर गाउँपालिकाका अध्यक्ष श्रीकान्त प्रसाद यादव, नेपाली कांग्रेसका नेता बशिष्ठ नारायण कुर्मी, तथा क्षेत्रीय सचिव बलिष्टर अहमद लगायतका स्थानीय नेताहरूको उपस्थिति रहेको थियो।
