वीरगंज । पर्सा जिल्ला अन्तर्गत अति गरिब परिवारका बेरोजगार युवाहरूलाई १७ वर्षदेखि विभिन्न प्रकारका सीप तथा व्यावसायिक तालिमहरू प्रदान गर्दै आएको BICCI – माइक्रो इन्टरप्राइज डेभलपमेन्ट फण्ड, पर्साले वीरगंजमा विद्युत मर्मत प्रविधि, प्लम्बिङ, एडभान्स फेसन डिजाइनिङ, र मोटर रिवाइन्डिङ तालिमको संचालन गरेको छ।
वीरगंज उद्योग वाणिज्य संघको सभाहलमा बुधबार देखि सुरु भएकाे उक्त तालिमहरुकाे उद्घाटन वीरगंज उद्योग वाणिज्य संघका अध्यक्ष हरि प्रसाद गौतम गरेका थिए । फण्डका समन्वयक अरविन्द्र अमात्यकाे अध्यक्षतामा भएकाे तालिम उद्घाटन कार्यक्रमकाे सञ्चालन संघका मनोज उपाध्यायले गरेका थिए ।
साे अवसरमा अरविन्द्र अमात्यले स्वागत मन्तव्य दिँदै तालिमको महत्व र फण्डको उद्देश्यबारे प्रकाश पारेकाे फण्डका प्रेमचन्द्र पटेलले जानकारी दिए । कार्यक्रममा पारस स्किल्स सेन्टरका निर्देशक पारस प्रसाद कुर्मीले मधेसमा पानी संकटबारे चर्चा गर्दै प्लम्बिङ तालिमको महत्त्व उल्लेख गरे ।
त्यसैगरी, सृजनशील व्यावसायिक तालिम केन्द्रका निर्देशक उमाशंकर महतोले मोटर रिवाइन्डिङ तालिमबारे जानकारी दिए ।
वुमेन्स स्किल सेन्टरकी निर्देशक चञ्चला दासले बिरगंज महानगरपालिका, बिरगंज उद्योग वाणिज्य संघ र NPL सामाजिक कल्याण संस्थाप्रति आभार व्यक्त गर्दै फण्डका साझेदारको सहयोगमा १० जना फेसन डिजाइन तालिम लिने सहभागीहरूले आ-आफ्नो बुटिक खोलिसकेका र केहीले अरूलाई पनि रोजगारी दिएको जानकारी दिइन् ।
