सगरमाथा स्कूलकी अर्पिता गुप्तालाई काठमाडौंको प्रतिष्ठित विद्यालयमा पूर्ण छात्रवृत्ति

वीरगंज । सगरमाथा स्कूल, मुर्ली–१२, वीरगञ्जकी मेधावी छात्रा अर्पिता गुप्ताले काठमाडौं महानगरपालिकाको शिक्षा विभागद्वारा आयोजित छात्रवृत्ति छनोट परीक्षा २०८२ मा सफलता हासिल गर्दै Kathmandu School of Central State, Kalimati (KMC–13) मा कानुन (Law) विषय अध्ययनका लागि पूर्ण छात्रवृत्ति प्राप्त गरेकी छन्।

एसईई परीक्षा (रोल नं. 03709435 O) मा उत्कृष्ट प्रदर्शन गरेकी अर्पिताले छात्रवृत्तिका लागि योग्य ठहरिँदै विद्यालय र परिवारको नाम गौरवका साथ उज्यालो पारेकी हुन्। विद्यालयका प्रधानाध्यापक, शिक्षक, अभिभावक तथा सहपाठीहरूले अर्पिताको यो उपलब्धिलाई प्रेरणादायी र गौरवको विषय भन्दै उनको उज्ज्वल शैक्षिक भविष्यको शुभकामना व्यक्त गरेका छन्।

यसअघि पनि सगरमाथा एकेडेमीका विद्यार्थीहरूले राष्ट्रियस्तरमा सफलता हासिल गर्दै शैक्षिक प्रतिष्ठा कायम राख्दै आएका छन्। हालै मात्र सोही विद्यालयकी करिश्मा गुप्ताले नेशनल प्याब्सन मेघा छात्रवृत्ति (कक्षा ११/१२) मा पूर्ण छात्रवृत्ति प्राप्त गरेकी थिइन्।

विद्यालय प्रशासनले यस्ता निरन्तर सफलताहरूले आफ्ना विद्यार्थीहरूको प्रतिभा, अनुशासन र विद्यालयको गुणस्तरीय शिक्षाको प्रमाणित गरेको बताउँदै आगामी दिनमा अझ उत्कृष्ट शैक्षिक वातावरण निर्माण गर्दै प्रतिभाशाली विद्यार्थीहरूलाई प्रोत्साहित गर्न कटिबद्ध रहेको जनाएको छ।