वीरगंज । जनमत पार्टी पर्साले पार्टी विस्तार अभियानअन्तर्गत वीरगंजका विभिन्न वडाका युवाहरू र महिलाहरूलाई सदस्यता प्रदान गर्दै पार्टीमा स्वागत गरेको छ । जिल्ला पार्टी कार्यालयमा आयोजित नियमित पार्टी प्रवेश कार्यक्रममा दर्जनौं नयाँ सदस्यहरू जनमत पार्टीमा आबद्ध भएका हुन् ।
प्रवेश गर्नेहरूमा वीरगंज –१४ का राकेश कोइराला, वीरगंज–७ का उज्ज्वल लामा, वीरगंज–४ का राजु बस्नेत, वीरगंज–२४ का देवशंकर यादव, रोहित गिरि, प्रदीप यादव, वीरगंज–९ का अब्दुल आलम, वीरगंज–१६ का रोहित यादव, वीरगंज–११ का मो. शारुख, वीरगंज–१२ का मनोज साह, छिपहरमाई गाउँपालिका–३ का चन्देश कुमार लगायत दर्जनौं प्रभावशाली युवाहरू रहेका छन् ।
त्यसैगरी, वीरगंज–१४ की नीतु देवी, रीमा देवी, सरिता देवी, प्रमिला कुमारी देवी, सुमन कुमारी देवी, सुनिता देवी पटेल, पुनम पटेल लगायत १२ जना महिलाहरूले पनि जनमत पार्टीको सदस्यता ग्रहण गरेका छन् ।
कार्यक्रममा जनमत पार्टी पर्साका जिल्ला अध्यक्ष ओमप्रकाश सरार्फ, केन्द्रिय सदस्य बिध्यालाल प्रसाद, रम्भा मिश्रा, प्रदेश सदस्य राजनारायण मिश्राले नयाँ सदस्यहरूलाई पार्टी सदस्यता वितरण गर्दै स्वागत गरेका थिए ।
कार्यक्रममा जनमत पार्टीका महानगर अध्यक्ष महादेव शर्मा, उपाध्यक्ष केदार पटेल, सचिव लोकेश कर्ण, क्षेत्रीय संयोजक गगन देव यादव, महानगर युवा संयोजक संजय सिंह तथा युवा नेताहरू निरञ्जन कुशवाहा, रोशन शाही, सहनवाज राकी, बिजेन्द्र यादव, युवराज सिंह, गौरी शंकर पटेल, नितिम गिरि, रिना पटेल लगायतको उल्लेखनीय उपस्थिति थियो ।
पार्टीका नेताहरूले नयाँ प्रवेशकर्ताहरूको आगमनले पार्टीमा नयाँ ऊर्जा थपिएको बताउँदै जनतामाझ जनमत पार्टीको प्रभाव झनै विस्तार हुँदै गएको उल्लेख गरेका थिए । पार्टीले आगामी दिनमा अझ व्यापक रूपमा संगठन विस्तार र जनसरोकारका मुद्दामा केन्द्रित हुने प्रतिवद्धता व्यक्त गरेको छ ।
