वीरगंज । पर्साकाे पर्सागढी नगरपालिकाका एक वडाध्यक्षका प्रत्यासी नेकपा (माओवादी केन्द्र) परित्याग गरि जनता समाजवादी पार्टी (जसपा) नेपालमा प्रबेश गरेका छन् ।
जसपा नेपालकाे पर्सागढी नगर समितिको आयोजनामा सम्पन्न पार्टी प्रवेश कार्यक्रममा नेकपा माओवादीबाट वडा अध्यक्षका प्रत्यासी रहेका बिकेश राय थारुको नेतृत्वमा राम किशोर राय थारु, राम नारायण चौधरी, मङनी चौधरी लगायतका नेता तथा कार्यकर्ताहरूले पार्टीमा प्रबेश गरेकाे जसपा नेपाल पर्साका अध्यक्ष रामनरेश यादवले जानकारी दिए ।
उनीहरूलाई जसपा नेपालका महासचिव तथा मधेस प्रदेशका पूर्व मुख्यमन्त्री लालबाबू राउतले माला, अबिर र खादा लगाई पार्टीमा स्वागत गरेका थिए।
उक्त कार्यक्रममा केन्द्रीय सदस्य शशिकपुर मिया, जिल्ला सचिव रितेश कुमार गुप्ता, मेयर प्रत्यासी सुरज मानन्धर, नगर अध्यक्ष शेख खुर्सेद लगायतका नेता तथा कार्यकर्ताहरूको विशेष उपस्थिति रहेको थियो ।
