वीरगंज । नेकपा (एकीकृत समाजवादी) वीरगंज महानगरपालिकाको अधिवेशन यही भादाे ७ गते हुने भएको छ । पार्टी महानगर कमिटीको बुधबार वीरगंजकाे मुर्ली बगैचामा बसेकाे बैठकले अधिवेशनलाई सभ्य र भव्य रुपमा सम्पन्न गर्ने निर्णय गरेको हो ।
पार्टी केन्द्रिय सदस्य एवं वीरगंज महानगर अध्यक्ष मनाेच चाैधरीकाे अध्यक्षतामा बसेकाे बैठकले अधिवेशन सफल बनाउन अध्यक्ष चौधरीकै संयोजकत्वमा २१ सदस्यीय अधिवेशन आयोजक समिति गठन गरेकाे छ । साथै, आर्थिक व्यवस्थापन, प्रतिवेदन लेखन, प्रचार–प्रसार तथा परिचालनका लागि छुट्टाछुट्टै उपसमितिहरू गठन गरिएको छ ।
आर्थिक व्यवस्थापन समितिको संयोजकमा मनोज चौधरी रहेका छन् भने सदस्यमा वृजलाल पासवान र मंजुर आलम रहेका छन् । प्रतिवेदन लेखनको जिम्मेवारी मंजुर आलम र वृजलाल पासवानलाई दिइएको छ । प्रचार प्रसार तथा परिचालन समितिमा मनोज पटेल र शम्भु कुमार सुमन रहेका छन् ।
बैठकमा पार्टीका केन्द्रीय लेखा आयोग सदस्य किशोरी कुशवाहा, पर्सा जिल्ला अध्यक्ष बालगोपाल थापा, जिल्ला उपाध्यक्ष बिक्रम चौरसिया, नेता रमेश पटेल लगायतको उपस्थिति रहेको थियो ।
अधिवेशनमा पार्टीका वरिष्ठ नेताहरूको उपस्थिति रहने पार्टीका पर्सा जिल्ला अध्यक्ष थापाले जनाएका छन् ।
