वीरगंज । पर्साकाे वीरगंज महानगरपालिका–२८ स्थित बगहीबाट इनर्वातर्फ जाँदै गरेको ट्रयाक्टर अनियन्त्रित भई दुर्घटना हुँदा दुई जनाको मृत्यु भएको छ भने एक जना घाइते भएका छन्।
ना ५ त ९९४१ नम्बरको ट्रयाक्टर शुक्रबार दिउँसो करिब १ः३० बजे भेडाहा खोलामा पल्टिँदा वीरगंज–२८ बगहीका २२ वर्षीय शिव पटेल र २० वर्षीय आकाश पटेलको घटनास्थलमै मृत्यु भएको जिल्ला ट्राफिक प्रहरी कार्यालय पर्साका प्रमुख लोकराज भट्टले जानकारी दिए ।
दुर्घटनामा सोही ठाउँका जयकुमार पटेल घाइते भएका छन् । उनलाई उपचारका लागि वीरगंजस्थित नारायणी अस्पताल ल्याइएको छ । मृतक दुवै जनाको शव परीक्षणका लागि नारायणी अस्पतालमै राखिएको प्रहरीले जनाएको छ ।
