वीरगंज । एल.एस न्युरो एन्ड जेनेरल हस्पिटल वीरगंजकाे आयाेजना शुक्रबार रक्तदान कार्यक्रम सम्पन्न भएकाे छ । सामाजिक उत्तरदायित्व अन्तर्गत भएकाे कार्यक्रममा ५२ जनाले रक्तदान गरेका हुन् ।
अस्पतालका प्रबन्ध निर्देशक रामप्रवेश प्रसाद कुर्मीकाे अध्यक्षतामा भएकाे रक्तदान कार्यक्रमकाे उद्घाटन परवानीपुर गाउँपालिकाका अध्यक्ष रामक्षत्री पटेलले गरेका थिए ।
शुक्रवार अस्पताल परिसरमा भएकाे कार्यक्रममा डा. अर्जुन पटेल, नन्देश सिंह, सुमिन्त्रा कुमारी, गोविन्द साह, विक्रम चौधरी, सुनिल कुमार, दीपक साह, सरगम साह, अनुषा कर्की, करुणा कार्की, डा. ओम गुप्ता, ऐशा सुनार, सन्दीप कुमारलगायते रक्तदान गरेका हुन् ।
वीरगंज ब्लड बैंकमा भएकाे रक्त अभाव भएपछि आपूर्तिलाई सहज बनाउन रक्तदान कार्यक्रम गरिएकाे प्रबन्ध निर्देशक कुर्मीले बताए । साथै, उनले रक्तदान गर्दा स्वास्थ्यमा कुनै अवसर पर्ने नभएकाेले रक्तदान सम्बन्धी जनचेतना अभिवृद्धि आवश्यक रहेकोमा जोड दिए ।
कार्यक्रममा नेपाल रेडक्रस सोसाइटी वीरगंज शाखाका सभापति बृजकिशोर पटेल, रेडक्रस रेशमकोठी उपशाखाका युवा संयोजक अभिलाष गुप्ता, गण्डक प्रहरी बाराका इन्स्पेक्टर टुपेन्द्र श्रेष्ठ लगायतकाे उपस्थिती रहेकाे थियाे ।
कार्यक्रममा प्राविधिक सहयाेग रक्त सञ्चार केन्द्रका प्राविधिक मनिष गुप्ता र समीर आलमको टोलीले गरेकाे थियाे ।
