वीरगंज । झुठा मुद्दा दर्ता गरी केही व्यक्तिहरुसँग बदला लिएर फसाउने कथित पत्रकार रन्जित चौरसियाको प्रयास विफल भएको छ । उच्च अदालत जनकपुरको अस्थायी इजलास वीरगंजलाई गुमराहमा पारी हुदै नभएको घटनालाई नक्कली तथा कीर्ते विवरण तयार गरी झुठा मुद्दा दर्ता गराएर पाँच जनासँग बदला लिने चौरसियाको प्रयास असफल भएको हो ।
चौरसियाले विभिन्न व्यक्तिहरूलाई सामाजिक सञ्जालमार्फत चरित्र हत्या गर्ने, बेइज्जती र अमानवीय शब्द प्रयोग गर्दै स्टाटस लेखेपछि तत्कालीन पोखरिया नगरपालिकाका निमित्त प्रमुख प्रशासकीय अधिकृत अजय श्रीवास्तवसहित पाँच जनाले संयुक्त रूपमा साइबर अपराध अन्तर्गत मुद्दा दर्ता गरेका थिए । उक्त मुद्दामा फरार रहेका चौरसिया पछि अदालतमा हाजिर भई ७५ हजार धरौटीमा रिहा भएका थिए ।
त्यसैको प्रतिशोध साध्नका लागि साइबर मुद्दा खेपिरहेका चौरसियाले आफ्नो बुवालाई अगाडी सार्दै पाँच निर्दोष व्यक्तिलाई फसाउने षड्यन्त्र रचेका थिए । आफ्नै गतिबिधिका कारण पत्रकार तथा सामाजिक क्षेत्रबाट समेत बहिष्कृत चौरसिया झुठो उजुरी दिएर आफैं दोषी सावित हुँदै कारबाहीको भागीदार बन्ने अवस्थामा पुगेका छन् ।
शुरुमा चौरसियाका बुवा जाहेरवाला सुबाष प्रसाद चौरसियाले घटनालाई लिएर मुद्दा दर्ता गराउन खोजेपनि प्रहरीले विवरण झुठो रहेको देखिपछि मुद्दा दर्ता नगरेको प्रहरी स्रोतले जनाएको छ । चौरसियाका बुवाले उच्च अदालतमा झुठो बिवरण पेश गरेको र उच्च अदालतले निर्देशनात्मक आदेश गरेपछि मुद्दा दर्ता गरिएको जिल्ला प्रहरी कार्यालय पर्साले जनाएको छ । निर्दोष व्यक्तिहरुलाई फसाउँन चौरसियाले झुठो विवरण र किर्ते कागजातहरु पेश गरेको पिडितका परिवारजनले बताएका छन् ।
चौरसियाका बुबालाई कुनै प्रकारको कुटपिट नभएको स्थानियहरुकाे भनाई छ । केही महिना पहिला बिन्दवासिनी गाउँपालिकाकाे इटियाहीमा जग्गाकाे बिषयमा आफ्नै दाजुभाई बिच भएकाे समान्य झगडाकाे घटनालाई वीरगंजकाे रानिघाटस्थित पुल निर आक्रमण भएकाे झुठाे विवरण बनाएर उच्च अदालतबाट परमादेश जारी गराएका छन् ।
पर्साका प्रहरी प्रमुख गौतम मिश्रले शुरुमा झुठा विवरण भएका कारण मुद्दा दर्ता नगरिएको र छलफलबाट विवाद समाधान गर्न सुझाइएको बताएका छन् । तर, चौरसियाले अदालतबाट परमादेश गराएपछि अनुसन्धान गर्न प्रहरी बाध्य भएको उनले बताएपनि उक्त विषयमा पक्राउ परेका २ जना रिहा भइसकेका छन् ।
झुठा मुद्दामा पक्राउ परेका पोखरीया नगरपालिका तत्कालिन नि. प्रमुख प्रशासकीय अधिकृत श्रीवास्तवसँग अबैध रुपमा पैसा माग गरेको तथा दिन नमानेपछि समाजिक सञ्चालमा चरित्र हत्या गर्ने स्टाटस चौरसिायले लेखेका थिए । आरोपी बनाएका अन्यहरु व्यक्तिहरुको समेत चौरसियाले समाजिक सञ्जाल फेसबुकमा तथानाम गाली बेइज्जती हुने गरी स्टाटस लेखेका थिए ।
निर्दोष व्यक्तिलाई फसाउँने जस्ता जघन्य अपराधमा समलग्न रहेको रन्जित चौरसिया, उनका बुवा सुबास प्रसाद चौरसिया र घटनालाई अतिरन्जित बनाउँने मुख्य योजनाकार राघव साहलाई कानुनी दायरामा ल्याउन कुनै कसर बाकी नराख्ने नेकपा (एकिकृत समाजवादी) का केन्द्रिय सदस्य मनोज चौधरीले बताए ।
के हो घटनाको जड ?
सामाजिक सञ्जाल (फेसबुक) मा जथाभावी लेख्ने र गालीगलौज गर्ने रन्जित चौरसियाको पुरानै प्रवृति हो । विभिन्न बहानामा विवादमा आईरहने चौरसियाले पत्रकार भन्दै धाकधम्की दिनेदेखि लिएर रकम माग्नेसम्मका व्यवहार गर्दै आएका छन् ।
केही महिना पहिला समाजिक संजाल फेसबुकमा पत्रकार हरिशंकर शर्माका बुवामाथि पनि उनले अपशब्द लेखेका थिए । त्यस्तै कुराहरु उनले अधिकृत श्रीवास्तव, नेसेन्ट एजुकेशनका रंजित चाैरसिया, रंजित पंडित, पत्रकार अरुण कुशवाहाकाे बारेमा पनि लेखेका कारण पांचै जनाले चौरसियाविरुद्ध संयुक्त रुपमा साइबर तथा विधुतिय अपराध अन्तर्गत जिल्ला प्रहरी कार्यालयमा जाहेरी दिएका थिए ।
उक्त जाहेरी प्रहरीले दर्ता गरि अदालतबाट पक्राउ गरि अनुसन्धान गर्ने अनुमति लिएपछि उनी केही फरार भएका समेत भएका थिए । पछि धाैराैटीमा रिहा भएपछि चाैरसियाले बुवाकाे नामले झुठाे मुद्दा दिएर निर्दाेष र प्रतिष्ठित ब्यक्तिहरुलाई फराउने षडयन्त्र गरेका हुन् ।
उक्त जाहेरी दिएका वीरगंज टाइम्सका संचालक समेत रहेका पत्रकार शर्मा सहित पोखरिया नगरपालिकाका तत्कालिन प्रमुख प्रशासकीय अधिकृत अजय कुमार श्रीवास्तव, शिक्षाकर्मी अजित चौरसिया, रन्जित पंडित एवं कुश दैनिक डटकमका संचालक अरुण कुशवाहासंग बदला लिने उद्देश्यले झुठाे ज्यान मार्ने उद्याेगमा उच्च अदालतबाट परमादेश जारी गराई प्रहरीलाई समेत गुमराहमा पारि आफै गएर अधिकृत श्रीवास्तव र चाैरसियालाई पक्राउ गर्न लगाएका थिए ।
