वीरगंज । पर्सा प्रहरीले अपहरण वा शरीर बन्धक सम्बन्धी कसूरमा संलग्न ४ जना पक्राउ गरेकाे छ । पक्राउ पर्नेमा वीरगंज महानगरपालिकाकाे वडा नं.१२ मुर्ली निवासी २३ बर्षिय रिकेश कुमार गुप्ता, साेही ठाउँ निवासी २५ बर्षिय राजन गुप्ता, सखुवा प्रसौनी गाउँपालिका वडा नं.३ निवासी २४ बर्षिय सिकेन्द्र साह र एक जना नाबालक रहेका छन् ।
बारा कलैया उप-महानगरपालिका वडा नं.१८ बस्ने वर्ष २६ को सुधिर प्रसाद साहलाई अपहरण गरी बन्धक बनाई फिरौती रकम माग गरेको भन्ने सूचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले मंगलबार राति ९:४५ बजेको समयमा अपहरि साहकाे उद्दार गर्नुकाे साथै अपहर कार्यमा संलग्न चार जनालाई पक्राउ गरिएकाे प्रहरीले जनाएकाे छ ।
वीरगंज महानगरपालिका वडा नं.१२ मुर्ली स्थित घरबाट अपहरित साहलाई सकुशल उद्दार गरी अपहरण कार्यमा सलंग्न पक्राउ परेकाहरुलाई बुधबार पर्सा जिल्ला अदालतबाट अपहरण वा शरीर बन्धक सम्बन्धी कसूरमा ५ दिन म्याद थप अनुमति लिइ थप अनुसन्धान कार्य भइरहेको जिल्ला प्रहरी कार्यालय पर्साका प्रवक्ता एवं प्रहरी नायब उपरिक्षक सुवाष भट्टले जानकारी दिए ।
