वीरगंज । पर्साका प्रमुख जिल्ला अधिकारी (सिडिओ) गणेश अर्यालले यस बर्षकाे एसईई परिक्षा फरक ढंगले संचालन हुने दाबी गरेका छन् । शिक्षा विकास तथा समन्वय ईकाइ पर्साले आइतबार आयाेजना गरेकाे केन्द्राध्यक्ष अभिमुखिकरण कार्यक्रमलाई सम्बाेधन गर्दै सिडिओ अर्यालले यस्ताे वताएका हुन् ।
परिक्षा समन्वय समितिका अध्यक्ष समेत रहेका सिडिओ अर्यालले परिक्षा मर्यादित, ब्यवस्थित र अनुशासित बनाउन केन्द्राध्यक्षहरुले सहयाेग गर्नु पर्ने वताए । एसईई परिक्षाकाे विगतका इतिहास त्यति सुखद र राम्राे नरहेकाे वताउँदै उनले यस बर्षकाे परिक्षा मर्यादित बनाउनु पर्नेमा जाेड दिए ।
सिडियाे अर्यालले यस बर्षकाे परिक्षा १० वटा अनुगमन टाेली बनाएर अनुगमन गर्ने तयारी रहेकाे वताए । उनले हामी एक्सन पलान नै बनाएर परिक्षाकाे अनुगमन गर्छाैं । यस बर्षकाे अनुगमन चटके र पटेक हुँदैन, याे बर्षकाे परिक्षामा गलत गर्ने जाेकाेहीलाई हामी कारवाही गर्छाैं ।”
परिक्षाकाे सम्पूर्ण जिम्मेवारी केन्द्राध्यक्षकाे हुने वताउँदै सिडिओ अर्यालले कुनै पनि बहाना बनाउन नमिल्ने वताए । यस बर्षकाे परिक्षा फरक ढंगले संचालन हुने वताउँदै उनले गलत गर्नेलाई कारवाही मात्र हाेइन राम्राे गर्नेलाई पुरस्कृति गरिने पनि वताए ।
सिडिओ अर्यालले भने “यस बर्षकाे परिक्षा संचालनमा गलत गर्नेलाई कारवाही मात्र हाेइन सबै भन्दा राम्राे गर्ने एक केन्द्राध्यक्षलाई पुरस्कृत पनि गरिन्छ र सबै भन्दा बढी बिकृति भएका केन्द्रकाे नाम हामी सार्वजनिक गर्छाैं ।” उनले सुक्षम अनुगमनकाे क्रममा सबै भन्दा राम्राे देखिने परिक्षा केन्द्रकाे केन्द्राध्यक्षलाई रु १० हजार नगद सहित पुरस्कृति गरिने घाेषण गरे ।
सिडिओ अर्यालकाे अध्यक्षतामा भएकाे कार्यक्रममा जिल्ला प्रहरी कार्यालय पर्साका प्रहरी नायब उपरिक्षक किशाेर लम्साल, शिक्षा विकास तथा समन्वय इकाइ पर्साका प्रमुख हरि राउत, सहायक प्रमुख जिल्ला अधिकारी निशान राज गाैतम, शिक्षक महासंघ पर्साका अध्यक्ष तिर्थराज यादव, जिल्ला प्रशासन कार्यालय पर्साका प्रशासकिय अधिकृत दिपक पटेल, शिक्षा विकास तथा समन्वय इकाइ पर्साका शाखा अधिकृत श्याम किशाेर प्रसाद लगायतकाे जिल्ला २९ केन्द्राध्यक्षहरुकाे सहभागिता रहेकाे थियाे ।
यही चैत ७ गतेदेखि संचालन हुन लागेकाे एसईई परिक्षामा पर्साका १४८ विद्यालयका १२ हजार ६ सय ३७ विद्यार्थी सहभागि भइरहेका छन् । ति परिक्षार्थीहरुकाे लागि जिल्लाका २९ वटा सामुदायिक विद्यालयहरुमा परिक्षा केन्द्र ताेकिएकाे छ । ति सबै परिक्षा केन्द्रहरुमा केन्द्राध्यक्ष समेत ताेकी सकिएकाे शिक्षा विकास तथा समन्व ईकाइ पर्साका प्रमुख हरि राउतले वताए ।
