वीरगंज । जिल्ला प्रहरी कार्यालय पर्सा र होटल तथा पर्यटन व्यावसायि संघ पर्साको संयुक्त आयोजनामा आइतबार वीरगंजमा “मर्यादित होटल ब्यबसाय संचालनमा ब्यबसायी र प्रहरीको भुमिका” बिषयक अन्तरक्रिया कार्यक्रम सम्पन्न भएकाे छ ।
वीरगंजका होटल र मसाज सेन्टरहरुलाई ब्यबस्थित र मर्यादित बनाउन जिल्ला प्रहरी कार्यालय पर्सा र होटल तथा पर्यटन व्यावसायि संघ पर्साकाे संयुक्त आयाेजना कार्यक्रम सम्पन्न भएकाे हाे ।
कार्यक्रममा वाेल्दै पर्साका प्रहरी प्रमुख प्रहरी उपरीक्षक (एसपी) गौतम मिश्रले कुनै पनि होटलमा होटल ब्यबसायीहरुको प्रत्यक्ष सम्लग्नतामा गलत क्रियाकलाप र यौनजन्य गतिविधि नगर्न आग्रह गरे । उनले त्यसो गरिएको भेटिए कारवाहीकाे लागि तयार रहन चेतावनी समेत दिए ।
कार्यक्रमका प्रमुख अतिथी समेत रहेका एसपी मिश्रले आफू पर्सा आएपछि वीरगंजका ४ जना होटल ब्यबसायीहरुलाई मानव बेचबिखानको मुद्दा चलाएको समेत जानकारी गराए ।
होटल तथा पर्यटन ब्यबसायी संघ पर्साका अध्यक्ष हरि पन्तले होटल ब्यबसायी र प्रहरीको सहकार्य यस क्षेत्रको तमाम समस्या समाधानमा कोशे ढुङ्गा साबित हुने बताए । उनले २१ औं शताब्दीको प्रहरीले अनावश्यक रूपमा होटलको काेठा कोठा चाहरेर आफ्नाे महत्त्वपूर्ण समय बर्बाद नगर्न समेत सुझाए ।
वीरगंजस्थित क्लासिक ब्यान्क्वेटमा भएकाे कार्यक्रममा ७० भन्दा माथी होटल ब्यबसायिहरुको उपस्थिति रहेको थियाे । कार्यक्रमको ओपन फ्लोअरमा वाेल्ने अधिकान्स होटल ब्यबसायीहरुले आआफ्नाे समस्याहरु राख्ने क्रममा व्यावसायिहरुमाथि कतै कतै अन्याय समेत भएको बताएका थिए ।
होटल तथा पर्यटन ब्यबसायी संघ पर्साका अध्यक्ष पन्तको सभापतित्वमा सम्पन्न कार्यक्रममा रचेन्द्र सिंह थापाले स्वागत तथा दिलिप राज कार्कीले सहजीकरण गरेका थिए ।
