वीरगंज । सशस्त्र प्रहरी बाेडर आउट पाेष्ट मिर्जापुरले शनिबार एक सय लिटर अवैध घरेलु मदिरा बरामद गरेकाे छ ।
सशस्त्र प्रहरी निरिक्षक कृष्ण गिरीको कमाण्डमा खटिगएको माेटरसाइकल गस्ती टोलीले छिपहरमाई गाउँपालिकाकाे वडा नं. २ टिउकी स्थितबाट मुल्य रु.१० हजार बराबरको अवैध घरेलु मदिरा बरामद गरेकाे हाे ।
गस्ती टोलिलाई देख साथ ४ जना ब्यक्तिले २ वटा मोटरसाइकलमा राखि टिउकीबाट छटीयाघाट तर्फ लैजादै गरेको मदिरा छाडि भाग्न सफल भएकाे सशस्त्र प्रहरीले जनाएकाे छ । बरामद मदिरा बि.ओ.पी. मिर्जापुरमा ल्याई नष्ट गरिएकाे प्रहरी निरिक्षक गिरीले जानकारी दिए ।
यसैगरी प्रहरी चाैकी मिर्जापुरले पनि शनिबार नै ३० लिटर अवैध घरेलु मदिरा बरामद गरेकाे छ । प्रहरी सहायक निरिक्षक संजय साहकाे नेतृत्वमा खटिएकाे चेकिङ टाेलीले छिपहरमाई गाउँपालिका वडा नं. १ मिर्जापुरबाट साे परिमाणकाे मदिरा बरामद गरेकाे हाे ।
बरामद मदिरा शनिबार नै स्थानिय जनप्रतिनिधि, संचारकर्मी लगायतकाे राेहबरमा नष्ट गरिएकाे प्रहरीले जनाएकाे छ ।
