वीरगंज । बारा प्रहरीले ९ किलो २ सय ग्राम लागू औषध गाँजा सहित १ पुरूष र २ महिला गरी ३ जनालाई पक्राउ गरेकाे छ ।
पक्राउ पर्नेमा बाराकाे प्रसौनी गाउँपालिका वडा नं. २ प्रसौनी निवासी बागर मुखियाकी श्रीमती ५५ बर्षिय रम्भा देवी मुखिया, छोरा ३८ बर्षिय जोगिन्द्र मुखिया र पर्साकाे बिन्दाबासिनी गाउँपालिका वडा नं. २ गर्दैल निवासी जंगली मुखियाकी श्रीमती ६० बर्षिय ममता देवी मुखिया रहेका छन् ।
विशेष सूचनाको आधारमा मिति बुधबार बिहन ०७:४० बजेको समयमा ईलाका प्रहरी कार्यालय प्रसौनी बाराबाट प्रहरी निरिक्षक सुरेश राज भट्टको कमाण्डमा खटिएको प्रहरी टोलीले बारा कै प्रसौनी गाँउपालिका वडा नं. २ स्थित बजार टौलबाट तिनै जनालाई पक्राउ गरेकाे हाे ।
भलुही तर्फ पैदल जादै गरेको तिनै जनालाई पक्राउ गरी शरिर खानतलासि गर्दा तिनै जनाको कम्मरमा सेतो प्लाष्टिकमा प्याक गरी लुकाई छिपाई राखेको ३ पोका अं.९ के.जि.२ सय ग्राम लागू औषध गाँजा बरामद भएकाे जिल्ला प्रहरी कार्यालय बाराका प्रवक्ता प्रहरी नायब उपरिक्षक प्रकाश सापकाेटाले जानकारी दिए ।
