वीरगंज । बारा प्रहरीले २९ लाख ४८ हजार बराबरको समान सहित एउटा ट्रक नियन्त्रणमा लिएकाे छ । ईलाका प्रहरी कार्यालय जीतपुर बाराबाट प्र.ना.नि.मोह नारायण रायको कमाण्डमा खटीएको प्रहरी टोलीले लु १ ख ७९६९ नम्बरको ट्रकलाई नियन्त्रणमा लिएकाे हाे ।
प्रहरी टोलीले साेमबार राति ९:३० बजेको समयमा बाराकाे जीतपुर सिमरा उप-महानगरपालिका वडा नं.७ जीतपुर चोक स्थितबाट बिल बिजक भन्दा बढि समान रहेको ट्रक नियन्त्रणमा लिएकाे जिल्ला प्रहरी कार्यालय बाराका प्रवक्ता प्रहरी नायब उपरिक्षक प्रकाश सापकाेटाले जानकारी दिए ।
वीरगंजबाट रूपन्देही तर्फ जादै गरेको ट्रकलाई रोकी चेकजाँच गर्दा बिल बिजक भन्दा बढि समान रहेको र समानको स्रोत खुलाउन नसकेको अन्दाजी मुल्य २९ लाख ४८ हजार ९ सय ५३ रूपैया बराबरको ट्रकमा लोड रहेको हाडवेयर सामान फेला परेकाे उनले वताए ।
अल्मुनियम सिट, एसएस हेण्डल, एसएस टवेयर वेल्ट, इलेक्ट्रो पेन्टिङ वेयर, कटप मेसिन, सब विलेट, बालनट इन्सेल लगायतका समानहरू लाेड रहेकाे ट्रक नियन्त्रणमा लिई आवश्यक कानुनी प्रकृया अगाडी बढाईएको जिल्ला प्रहरी कार्यालय बाराले जनाएकाे छ ।
