सेढवा । पर्साको जिराभवानी गाउँपालिकाबाट प्रहरीले ठुलो परिमाणमा भारतीय ब्रोइलर कुखुरा पक्राउ गरी नष्ट गरेकाे छ ।
ईलाका प्रहरी कार्यालय पटेर्वासुगौलीका प्रहरी निरीक्षक प्रकाश थापाको नेतृत्वमा खटेका प्रहरी गस्ती टोलीले जिराभवानी गाउँपालिका वडा नं १ ओरिया खोलाबाट सो कुखुरा बरामत गरिएकाे प्रहरीले जनाएकाे छ ।
भारतबाट अबैध रुपमा ल्याउदै गरेको प्रतिबन्धित सो ६० वटा कुखुरा १५० किलोग्राम पक्राउ गरी प्रहरी चौकी महादेवपटिमा स्थानीय जनप्रतिनिधि भद्रभलादमी र पशु क्वारेन्टाइनको प्रतिनिधिको रोहवरमा नष्ट गरिएको ईलाका प्रहरी कार्यालय पटेर्वासुगौलीका प्रहरी निरिक्षक प्रकाश थापाले बताए ।
