ओमप्रकाश चाैधरी/
सेढवा । खोलाबाट अवैध रुपमा बालुवा उत्खनन गरी चोरी निकासी गरिरहेको अवस्थामा पर्सा प्रहरीले २ वटा ट्याकटर नियन्त्रणमा लिएकाे छ । पर्साको पर्सागढी नगरपालिका–२ स्थित सिंगयाही खोलाबाट अवैध रुपमा गिट्टी, बालुवा उत्खनन गरी बागवानातर्फ लगिरहेको अवस्थामा प्रहरीले २ वटा ट्याक्टर नियन्त्रणमा लिएको ईलाका प्रहरी कार्यालय पटेर्वासुगौलीका प्रहरी निरीक्षक प्रकाश थापाले बताए ।
बिहीबार साँझा ५ बजेको समयमा सिंगयाही खोलाबाट बालुवा उत्खनन् गरेको ना.५ त. ३१२८ नम्बरको बालुवा लोड ट्याक्टर र ट्याक्टरका चालक पर्साको पर्सागढी न.पा.–३ औराही बस्ने अन्दाजी वर्ष २५ को सरोज साह र प्र.–२–०३–००१ त १६८९ नम्बरको बालुवा लोड ट्याक्टर र चालक जिल्ला पर्सा पर्सागढी नगरपालिका २ बागवाना बस्ने अन्दाजी बर्ष २४ को संदिप पटेललाई नियन्त्रणमा लिइएकाे प्रहरी निरिक्षक थापाले बताए ।
नियन्त्रणमा लिएको बालुवा सहितको २ वटा ट्याक्टर थप अनुसन्धानका लागि अस्थायी प्रहरी चौकी मनवामा राखिएकाे प्रहरी निरीक्षक थापाले जानकारी दिए ।
