वीरगंज । जवाफदेहिताका लागी नागरिक अभियान मधेश प्रदेशका टोलीले साेमबार पर्साको प्रमुख जिल्ला अधिकारी गणेश अर्याललाई ज्ञापन पत्र बुझाएकाे छ । जिल्ला प्रशासन कार्यालय पर्सामा पुगेकाे एक टाेलीले बालविवाह न्यूनिकरणका लागि पहल गरिदिन आग्रह गर्दै अधिकारी अर्याललाई ज्ञापन पत्र बुझाएको हाे ।
अभियानका अगुवा साजिर मंसुर सहितको एक दर्जन भन्दा बढीको संख्यामा रहेको समाजिक कार्यकर्ताहरुकाे टोलीले बुझाएकाे ज्ञापन पत्रमा नेपालमा बालविवाहको स्थिती र त्यसले निम्तयाएका समाजिक, आर्थिक तथा किशोर किशोरीहरुको स्वास्थ्यमा पार्ने प्रभाव चिन्ताजनक रहेको विषय ज्ञापनपत्रमा उल्लेख छ ।
बिभिन्न सामाचार माध्यममा निरन्तर आईरहने सामाचार नेपाल सरकार र बिभिन्न संघसंस्थाको निरन्तर पहलका बावजुद जिल्लामा बालविवाहका घटना अझै पनि जारी रहेको कुरा पनि ज्ञापनपत्रमा उल्लेख गरिएकोछ । जिल्ला प्रशासन कार्यालयबाट पर्सा जिल्लामा बालविवाह र दाईजो प्रथा उन्मुलनको उदेश्यले जिल्ला प्रशासन कार्यालय, जिल्ला प्रहरी कार्यालय र स्थानिय पालिकाहरुको सहकार्यमा अभियान संचालन गरी बालविवाह गराए वापत हुने कानुनी सजाय समेतको जानकारी सम्मिलत जनचेतनामुलक कार्यक्रमका लागी पहल गर्न पनि ज्ञापनपत्रमा उल्लेख गरिएको छ ।
जवाफदेहिताका लागी नागरिक अभियान मधेश प्रदेशका टोलीले भोली मंगलबार बाराको प्रमुख जिल्ला अधिकारीलाई पनि ज्ञापनपत्र बुझाउने कार्यक्रम रहेको अभियानकी समन्वयकर्ता सलमा खातुनले बताइन । यो अभियान मधेश प्रदेशको ८ वटा जिल्लामा निरन्तर चल्ने एउटा ठोस निर्णय निस्कने समेत अभियानकी सदस्य खातुनले बताईन ।
अन्तरराष्ट्रिय दातृ संस्था यू.एस.एड.सी.एस.एम. र द एसिया फाउन्डेशनको सहयोगमा हाम्रो अभियान, पर्साद्वारा सञ्चालित ‘मिडिया फेलोसिप मार्फत महिला, युवा र सीमान्तकृत समुदायको सशक्तिकरण’ कार्यक्रम अन्तर्गत मधेश प्रदेशका आठवटै जिल्लाका पत्रकार, नागरिक अगुवा, सामाजिक अभियन्ता एवं अधिकारकर्मी सम्मिलित यस अभियानले महिला र अपांगमैत्री सरकारी कार्यालय, युवा र सीमान्तकृतका अधिकारको विषयमा वकालत गर्दै आएको छ ।
