कार्तिक ३० , बिरगंज
पर्साको पकहामैनपुर गाउपालिका वडानम्बर १ धोरेका एक जना १ सय २५ बर्ष बाच्न सफल भएका छन । ज्येष्ठ नागरिक रघु सहनीलाई आज सम्म कुनै रोग छैन, त्यति उमेर भए पनि आखामा चश्मा छैन, सहजै मान्छे चिन्न, कुराकानी बुझन सजिल्लो छ वहालाई, हिडडुल गर्न सक्ने पनि गर्नु हुन्छ । स्थानिय रघु सहनीका अनुसार सुर्ती, पान, गुटका, रक्सी , सराब जस्ता कुनै मादक पदार्थ सेवन नगर्नाले आज सम्म जिवित रहेको बताउनु भएको छ । ७ जना दाजुभाई मध्ये जेठो सन्तान म नै भएकोले ६ जना भाईहरु स्वर्गवास भएका छन , भन्नु भयो । सहनीको २ जना सन्तान छन , एक जना ७५ बर्षीय अच्छेलाल सहनी र ६७ बर्षीय जनक सहनी जेठो छोरा पनि बृद्धभाता खान्छन भने कान्छोको पनि अब पाउने पालो आएको बताए । ७ वा ८ बर्षको हुदा ठुलो भुकम्प नेपालमा आउदा अलिअलि सम्झना छ, नेपालमा ठुलो क्षती भएको थियो । पहिला रुखबिरुवाको बोक्ला भन्ने छाला हामी खाने गरेको सम्झना छ । हरियो जुनसुकै घासपदार्थहरु पनि खाने गरिएको सम्झना छ । डेढ रुपैयामा १ किलो मासु, १ रुपैयामा १ किलो माछा, १ रुपैयामा १ मन धान, किनमेल भएको वहालाई सम्झना छ । भारतमा १ मन चामल बिक्री गर्दा ४ रुपैया पाउथ्यो । नागरिक्ताको हिसावले वहाको उमेर ९७ भए पनि १ सय २५ बर्ष भएको वहाको दावी छ । गाउको वरपर रहेका तथा आफना आफन्तहरुमा पनि मेरो उमेरको कोई पनि जिवीत नरहेको बताए । म भन्दा कान्छो मान्छेहरु मरेकोले म सबै भन्दा उमेर बढी भएको वहाको दावी छ । म अहिले पनि धेरै दिन बाच्छु भने सहनीले बताए । गाउघरमा हुने बिहेवारी, भोजभतेर तथा हरेक सामुहिक काममा वहाको सहभागीता रहने गरेको पकहामैनपुर गाउपालिकाका अध्यक्ष सुरेश मेहताले बताउनु भएको छ । सहनी फुसको र खपडाको घर बनाउने काममा सिपालु रहेको र सबै मिस्त्रीहरु मध्ये उत्कृष्ट रहेको धोरेका स्थानिय अनिल चौहानले बताए । अहिले पनि सानोतिनो काम गर्न सक्ने सहनीमा क्षमता रहेको जनाईएको छ ।
