वीरगंज । नेपाल रेडक्रस सोसाइटी पर्सा जिल्ला शाखाकाे आयाेजनामा आत्मरक्षा तालिममा प्राथमिक उपचार शिविर सम्पन्न भएकाे छ । वीरगंज महानगरपालिकाले वीरगंजस्थित आदर्शनगर रंगशालामा आयाेजना गरेकाे आत्मरक्षा तालिममा रेडक्रसकाे प्राथमिक उपचार शिविर सम्पन्न भएकाे हाे ।
रेडक्रस पर्सा शाखाका स्वंयसेवकहरुले शिविरमा सहभागिहरुलाई स्वास्थ्यमा समस्या भएपछि प्राथमिक उपचार दिएकाे नेपाल रेडक्रस सोसाइटी रेशमकोठी उपशाखाका युवा संयोजक अभिलाष कुमार गुप्ताले जानकारी दिए । उनका अनुसार आत्मारक्षा तालिम प्रशिक्षण कार्यक्रममा सहभागि छात्राहरुकाे सुरक्षा सहजताका लागि उनिहरुलाई चोटपटक लागेको खण्डमा फस्ट एड उपचार प्राथमिक उपचार उपलब्ध गराउनको लागि नेपाल रेडक्रसका स्वंयसेवकहरुलाई परिचालन गरिएको थियो।
शिविरमा नेपाल रेडक्रस सोसाइटी वीरगंज शाखाकी मिना क्षेत्रि, रेडक्रसका वरिष्ठ सदस्य गुडि कुमारी साह, मुस्कान साह, मनिसा राउत, सौम्य मंडल लगायतकाे उपस्थिति रहेको थियो ।
