वीरगंज । वीरगंज महानगरपालिकाले छात्राहरुकाे लागि “आत्मरक्षा तालिम” प्रशिक्षण कार्यक्रम आयाेजना गर्न लागेकाे छ । नेपाल-भारत सहयोग मञ्चको समन्वयमा महानगरपालिकाकाले वीरगंजका छात्राहरुका लागि आत्मरक्षा प्रशिक्षण कार्यक्रम गर्न लागेकाे हाे ।
वीरगंजका १० हजार छोरी (छात्रा)हरुको आत्मबल उच्च बनाउने उद्देश्यका आत्मरक्षा प्रशिक्षण गर्न लागि वीरगंज महानगरपालिकाका प्रमुख राजेशमान सिंहले वताए । कात्तिक २८ गते बुधबार बिहान १० बजे देखि आदर्शनगर रंगशालामा हुने कार्यक्रममा भारतका प्रख्यात मार्शल आर्ट प्रशिक्षक डा. चिता यजनेश शेट्टिले आत्मरक्षा तालिम प्रशिक्षण दिने प्रमुख सिंहले जानकारी दिए ।
प्रशिक्षण कार्यक्रम बारे विस्तृत जानकारी गराउन महानगरपालिकाले कात्तिक २७ गते मंगलबार विहान ११ बजेदेखि पत्रकार सम्मेलनकाे आयाेजना समेत गरेकाे छ । साथै प्रशिक्षण कार्यक्रममा सहभागि हुन पनि महानगरपालिकाले सबैमा अनुराेध गरेकाे छ ।
