वीरगंज । राष्ट्रिय स्वतन्त्र पार्टी (रास्वपा) पर्साले पार्टी सभापति रबि लामिछानेलाई सरकारले संसदिय छानबिन समितिको प्रतिबेदन विपरित धरपकड गरेको भनेर प्रधानमन्त्रीको ध्यानाकर्षण गराएकाे छ । मंगलबार रास्वपा पर्साले प्रमुख जिल्ला अधिकारी मार्फत प्रधानमन्त्री केपी शर्मा ओलीलाई ज्ञापन बुझाउँदै सभापति लामिक्षानेलाई धरपकड नगर्न आग्रह गरेकाे हाे ।
पार्टीका पर्सा जिल्ला सभापति हरि पन्तको नेतृत्वमा आदर्शनगरबाट निस्केको मौन जुलुसले जिल्ला प्रशासन कार्यालय पर्सा पुगेर साहयक प्रमुख जिल्ला अधिकारी सानू बाबू अधिकारीलाई ध्यानाकर्षण पत्र बुझाएको थियाे । ज्ञापन पत्र बुझ्दै साहायक प्रमुख जिल्ला अधिकारी सानुबाबुले मंगलबार नै उक्त ज्ञापनपत्र प्रधानमन्त्रीको कार्यालयमा पठाउने बताए ।
रबि निर्दोष छन, राजनीति पुर्बाग्रह नसाँध । ८७ अर्ब ठग्ने असली सहकारी ठगहरुलाई कार्बाही गर भन्ने प्लेकार्ड बोकेको जुलुसले ज्ञापनपत्र बुझाएर माइस्थानमा पुगेर कोणसभा समेत गरेको थियो । कोणसभालाई सम्बोधन गर्दै जिल्ला सभापति पन्तले सरकारलाई दुई तिहाईको दम्भ नदेखाउन खबरदारी गर्दै यसो भएमा नेपाली जनताले श्रीलंका र बाङ्लादेशझै ८४ अघिनै सत्ता कब्जा गर्ने बताए ।
उनले सत्ता स्थाइ नहुने र नेपाली जनताले सबै गतिविधि नजिकबाट नियालिरहेकोले यसको हिसाब किताब पनि चाडै गर्ने बताए ।
काेण सभालाई केन्द्रिय सदस्य डा नन्दन यादब र पुर्ब जिल्ला संयाेजक दिलिप कुर्मीले सम्बोधन गरेका थिए । उक्त काेण सभामा रास्वपा क्षेत्रीय सभापतिहरु जितेन्द्र मिश्र, फैयाद मिया, प्रदेश सदस्य तुलसा पौडेल, सुदिश प्रजापति, प्रचार बिभागका प्रदेश प्रमुख राम शरार्फ, संगठन र शिक्षा बिभागका प्रमुख राम प्रमोद रायमाझी, राम आर्य, सोनालाल पटेल, पालिका सभापति माधब बस्नेत, उमेश यादब, चन्दन गुप्ता र प्रदीप पटेल लगायतका नेता र कार्यकर्ताहरुको उपस्थिति रहेको थियाे ।
